ERP · tibbiyot
Xususiy klinika uchun ERP
Registratura, kassa, ombor va hisobotlar bitta veb-tizimda: rollar va ruxsatlar, tez qidiruv, kun boʻyi ishlashga qulay interfeys.
Next.js · Express · PostgreSQL
Har kuni ishlatiladi.
Ish takliflariga ochiqman
Full-stack dasturchi.AI integratsiya.
AI-agentlarni ishlab turgan tizimlarga ulayman: ERP va CRM, Telegram, maʼlumotlar bazasi. Asosan Python, Node.js, TypeScript va PostgreSQL bilan ishlayman.
01 · Men haqimda
Men Javohir Jumaboyev, Toshkentdanman. Ikki yildan beri savdo va tibbiyot uchun tizim yozaman: onlayn doʻkon, uning ERP va kassasi, toʻlov va soliq integratsiyasi, klinika uchun ERP va Telegram botlar. Interfeysni ham, serverni ham oʻzim qilaman. Hozir asosan shu tizimlarga AI-agentlar ulayapman.
02 · AI
AI-agentni qanday quraman.
Misollarni klinika rahbari uchun qilgan AI yordamchimdan olaman. U yerda model ishning bir qismi, xolos. Qolgani: maʼlumotga xavfsiz ulanish, kimga nima mumkinligi va nazorat.
- 01
Raqamni SQL beradi, model emas
Model bazaga oʻzi kirmaydi. U tayyor soʻrovlarning natijasini koʻradi va javobni faqat shundan yozadi. Maʼlumot boʻlmasa, oʻylab topmaydi, yoʻq deb aytadi.
Klinika yordamchisida buning uchun tayyor soʻrovlar qatlami bor.
- 02
Model yozgan SQL uch marta tekshiriladi
Model SQLʼni oʻzi yozsa ham xavfli emas: bazadagi foydalanuvchida faqat oʻqish huquqi bor, ilova faqat bitta SELECTʼni oʻtkazadi va xavfli buyruqlarni toʻxtatadi, soʻrov vaqti va qatorlar soni cheklangan.
Shuning uchun agent bazada hech narsani oʻzgartira olmaydi. Ikki marta yoki xato bajarilgan amal ham boʻlmaydi.
- 03
Botdan faqat ruxsat berilganlar foydalanadi
Bot faqat roʻyxatdagi Telegram IDʼlarga javob beradi, sozlamalarni faqat admin oʻzgartiradi. Rahbar bilan yozishma guruhda boʻladi, shunda har bir savol va javob koʻrinib turadi.
Maxfiy maʼlumot begona chatga chiqib ketmaydi.
- 04
Xotirasini odam nazorat qiladi
Xotira uch qismdan iborat: oxirgi suhbat (6 soat), klinika haqidagi doimiy faktlar va tuzatilgan xatolar. Yangi narsani model oʻzi eslab qoladi, lekin roʻyxatni odam koʻradi va keraksizini oʻchiradi.
Bir marta tuzatilgan xato qaytmaydi.
- 05
Bulut yoki oʻz serveri
Tez ishga tushirish kerak boʻlsa, Claude yoki Gemini API ishlataman. Maʼlumot tashqariga chiqmasligi kerak boʻlsa, ochiq modelni (Gemma, Qwen) kompaniyaning oʻz kompyuteriga oʻrnataman.
Ochiq modelni oʻzim oʻrnatganman: oʻzbekcha TTS GPU serverda ishlayapti.
- 06
Xarajat va limit nazoratda
Har bir chaqiruvning token va narxi yozib boriladi. Limit tugasa, soʻrov oʻzi keyingi modelga oʻtadi. Ovozli javob limiti tugasa, javob matn boʻlib keladi va ish toʻxtamaydi.
Internetdan topilgan javob manbasi bilan keladi.
03 · Ishlarim
Nimalar qilganman.
Telegram
Bemorlar uchun bot va operator paneli
Tahlil natijasi tayyor boʻlsa, bot uni bemorga oʻzi yuboradi. Bot API yozishmalar tarixini bermaydi, shuning uchun xabarlarni oʻz bazamizga yozamiz va registratura hamma chatni bitta paneldan koʻradi.
Node.js · Telegraf · PostgreSQL · Telegram Web A
Natijalar har kuni bot orqali boradi.
AI-agent
Klinika rahbari uchun AI yordamchi
Rahbar savolini Telegramda yozadi yoki ovozli xabar yuboradi. Javob ERP bazasidagi haqiqiy raqamlardan chiqadi, kerak boʻlsa Excel hisobot ham keladi.
Claude · Gemini · PostgreSQL · Telegram
Ishlab turgan ERP bazasiga ulangan.
Ovozli AI · prototip
Oʻzbekcha gaplashadigan AI-kiosk
Chaqiruv soʻzini brauzerning oʻzi taniydi, suhbat Gemini Live orqali real vaqtda ketadi, kerak boʻlsa model funksiyalarni oʻzi chaqiradi. Javobni oʻzbekcha ovozda aytadi.
Gemini Live · Vosk · Three.js · Python · Modal GPU
TTS modelini GPU serverga oʻzim oʻrnatganman.
Savdo · toʻlovlar
Oziq-ovqat yetkazib berish platformasi
Onlayn doʻkon, uning ERP va kassasi: Click va Payme, fiskal chek (QPOS), MXIK kodlari va markirovka. 1 GB lik Electron kassani Tauri va Rustʼga koʻchirdim, endi kuchsiz kompyuterda ham tez ochiladi.
Tauri · Rust · React Native · Click · Payme · QPOS
Chek printeri, tarozi va skaner bilan ishlaydi.
Veb-sayt
WorldSkills Uzbekistan rasmiy sayti
Koʻp tilli sayt va admin panel. Jamoa yangilik, natija va hujjatlarni dasturchisiz oʻzi qoʻshadi. SEO, mobil versiya, tez ochiladi.
Next.js · i18n · SEO
04 · Stek
Nimalar bilan ishlayman.
- Tillar
- Python, TypeScript, JavaScript, SQL, Rust
- Frontend
- React, Next.js, Vite, TanStack Query, Zustand, Tailwind CSS
- Backend
- Node.js, Fastify, Express, REST, WebSocket, SSE
- Maʼlumotlar bazasi
- PostgreSQL, Supabase, Redis
- AI va avtomatlashtirish
- Claude, Gemini (Live, function calling), Vosk, oʻzbekcha TTS, n8n
- Desktop va mobil
- Tauri, Electron, React Native (Expo)
- Infratuzilma
- Linux, Docker, Nginx, CI/CD, Cloudflare
- Xavfsizlik
- JWT, RBAC, WebAuthn, rate limiting, fail2ban
- Integratsiyalar
- Click, Payme, soliq.uz (QPOS), Telegram
05 · Aloqa
Gaplashamizmi?
Telegramda tezroq javob beraman. Rezyume kerak boʻlsa, oʻsha yerga yuboraman.
- Shahar
- Toshkent, Oʻzbekiston
- Ish formati
- Gibrid, toʻliq yoki yarim stavka
- Tillar
- Oʻzbekcha (ona tilim), inglizcha (bemalol oʻqiyman va yozaman, gapirishim oʻrtacha), ruscha (boshlangʻich)